Bren ofrece servizos CGI a calquera productora que os requira, ben sexa para longametraxes de animación, integración de imaxe virtual sobre imaxe real, efectos para cine, series de animación para televisión, publicidade, grafismo, etc. As instalacións de máis de 800 m2 poden albergar arredor de 100 profesionais nos diferentes departamentos…

Así podemos adaptarnos a un amplo rango de calidades e ofrecer servizos completos ou parciais dentro da liña de produción CGI: modelaxe, setup e rigging, shading e texturas, animación, efectos, iluminación, composición, render e edición… Bren achega un “valor engadido” na súa oferta co departamento de I+D+i.

Bren Entertainment é unha empresa de servizos CGI, dedicada á produción de longametraxes de animación en 3D que tamén ten experiencia en series e traballos para televisión e publicidade. Como parte do grupo FILMAX ENTERTAINMENT, BREN forma parte, dende a súa posta en marcha no ano 2000, do plano de lanzamento da división de animación do grupo. Nestes anos destaca a súa participación en proxectos coma a serie GOOMER (25’X26) ou as longametraxes EL CID, A LENDA, P3K PINOCHO 3000, GISAKU, NOCTURNA, DONKEY.XOTE, e PÉREZ, O RATIÑO DOS TEUS SOÑOS (I e II).

En 2006 inicia unha segunda liña de traballo en imaxe real. Documentais, programas e ficción televisiva son o terreo polo que se move, con títulos como LUME E FUME, TOLOS POR XAPÓN, HISTORIA DUNHA PARROQUÍA, HAI QUE MOLLARSE!, PRODIXIOSOS, O PREMIO DA RUBIA, ELOXIO DA DISTANCIA E O PEQUENO ELOXIO DA DISTANCIA.