AS XORNADAS NOVAS FORMAS DE DISTRIBUCIÓN E CONSUMO AUDIOVISUAL REMATARON CUN NOTABLE ÉXITO

13/10/2008

Durante a inauguración das xornadas Novas formas de distribución e consumo audiovisual produciuse unha importante nova para o sector audiovisual. A directora xeral de Promoción Industrial e Sociedade da Información, María Helena Veiguela Martínez, anunciou a vindeira convocatoria de axudas á promoción audiovisual que contarán cun orzamento de 600.000 euros para a tiraxe de copias en 35 mm. e DVD de longametraxes e telefilmes, dobraxe noutros idiomas e promoción.

Expertos e profesionais analizarán o novo contexto tecnolóxico do sector audiovisual

23/09/2008

Os días 9 e 10 de outubro celebraranse en Santiago de Compostela as xornadas organizadas por AGAPI (Asociación Galega de Produtoras Independentes), en colaboración coa Consellería de Innovación e Industria, sobre as Novas formas de distribución e consumo audiovisual. Este encontro acollerá ós máximos expertos do sector audiovisual e das telecomunicacións na análise dos novos medios e contidos audiovisuais.

As empresas culturais galegas poden inscribirse até o 10 de outubro no Cultur.gal 08

22/09/2008

As empresas e entidades que crean, distribúen, promocionan e ofrecen produtos e servizos relacionados coa cultura en Galiza poden inscribirse en Cultur.gal 08 ata o 10 de outubro.

Aberto o prazo de inscrición no obradoiro de documentais científicos

01/08/2008

Ata o 28 de setembro estará aberto o prazo de inscrición no obradoiro que o profesor Bienvenido León impartirá entre o 20 e o 21 de outubro na Coruña.