O Festival de Cine de San Sebastián selecciona Agua fría de mar, de Tic Tac
13/08/2010
O Festival de San Sebastián acaba de confirmar que a película Agua fría de mar, da compañía galega Tic Tac Producciones, será un dos títulos que competirá polo Premio Horizontes, dotado con 35.000 euros. Horizontes Latinos é o apartado do certame donostiarra dedicado ás obras máis interesantes e innovadoras do cine latinoamericano, títulos que contan co aval de grandes certames como o Festival de Rotterdam, no caso de Agua fría de mar.
A Escola de Imaxe e Son de Vigo e a Universidade Europea de Madrid asinan un acordo de colaboración
11/08/2010
O acordo posibilita que os antigos alumnos da Escola de Imaxe e Son de Vigo poidan realizar as probas de acceso á universidade de balde e teñan importantes descontos na matrícula nalgúns dos cursos de titulación oficial que imparte a Universidade Europea de Madrid. Estes beneficios tamén abarcan aos seus cónxuxes e fillos. Ademais os profesionais do sector audiovisual poderán cursar o Grao de Audiovisual ou Publicidade dende as instalacións da Escola en Vigo, convalidando a súa experiencia por materias e finalizando os seus estudos en dous anos.
03/08/2010
O Centro Galego de Arte Contemporánea organiza ao longo do mes de agosto a proxección de películas sobre a Alemaña de Weimar. As proxeccións celebraranse todos os mércores ás 22.30 horas no Auditorio do museo.
As Xociviga organizan o curso A muller na encrucillada do audiovisual
23/07/2010
Do 2 ao 6 de agosto o concello do Carballiño acolle a celebración do curso de extensión universitaria A muller na encrucillada do audiovisual. No curso participan experimentadas profesionais galegas como Inmaculada Castaño, Chelo Loureiro, Beatriz Legerén, Fernanda del Nido, Paula Cons ou Diana Gonçalves e tamén se organizan proxeccións, entre elas a do telefilme Cota vermella, de Zaza Ceballos.
Rúa Mónaco, 7, baixo A | 15707 Santiago de Compostela | telf: +34 981 577 747 | fax: +34 981 564 322 | e-mail: agapi@agapi.org
