Rematou o foro NovoMed 09 no que participaron trinta expertos en audiovisual

2009-07-20

O 9 e o 10 de xullo o foro Novos Medios e Contidos Audiovisuais- NovoMed 09 trouxo ata Santiago de Compostela a expertos e aos responsables dos programas máis innovadores en materia audiovisual. As xornadas desenvolvéronse na Facultade de Ciencias da Comunicación da Universidade de Santiago de Compostela.

AGAPI (Asociación Galega de Produtoras Independentes) organiza estas xornadas co patrocinio da Consellería de Economía e Industria da Xunta de Galicia e a colaboración da Entidade de Xestión de Dereitos dos Produtores (EGEDA) e da Universidade de Santiago de Compostela (USC).

O foro foi inaugurado conxuntamente polo director xeral de Investigación, Desenvolvemento e Innovación, Ricardo Capilla Pueyo, polo decano da Facultade de Ciencias da Comunicación, Miguel Túñez López, e pola presidenta de AGAPI, Dolores Ben Pena.

As xornadas comezaron coa benvida do decano, Miguel Túñez, quen deu a benvida a todos os asistentes e destacou a “calidade do foro”. A presidenta de AGAPI, Dolores Ben, tamén valorou o excepcional programa que chega “nun momento de especial relevancia en canto ao futuro do sector audiovisual e da súa configuración”. Na súa benvida o director xeral de Investigación, Desenvolvemento e Innovación, Ricardo Capilla Pueyo, salientou o “peso específico na economía da comunidade, xa que o futuro predice que o sector vai ser un dos que máis emprego xerará nos vindeiros anos”.

Os directivos de contidos de empresas coma Interacción , Bren Entertainment , Continental Games , Televisión de Galicia, Youtube, Fox Channels, Vértice 360º, Enxebre Entertainment, Antena 3, Orange, Vodka Capital, TV3, e institucións coma a Impulsa TDT, a Entidade de Xestión de Dereitos dos Produtores (EGEDA) e o Instituto de Crédito Oficial (ICO) intentaron adiantar a evolución do sector audiovisual perante cambios tan importantes coma a televisión dixital ou o novo marco legal.

O programa centrouse en cinco aspectos: a televisión dixital (TDT), o novo marco regulador do sector audiovisual, os contidos multiplataforma, a animación dixital e os videoxogos e a rendibilidade do negocio audiovisual. Os máis de sesenta asistentes puideron concultar as súas dúbidas cos responsables das empresas máis innovadoras e dos novos modelos de negocio do sector audiovisual.

As xornadas contan co recoñecemento dun crédito de libre configuración pola Universidade de Santiago de Compostela. Os estudantes que asistiron ao NovoMed 09 e que tamén asistan ao foro sobre márketing audiovisual que se celebrará no mes de novembro poderán convalidar a súa asistencia por un crédito de libre configuración.

Esta foi a segunda edición dunha xornada que xa se celebrou no mes de outubro de 2008 baixo o título de Novas formas de distribución e consumo audiovisual, daquela xa se comezou a analizar o continuo proceso de incorporación e cambio das novas tecnoloxías no audiovisual. Con estas dúas edicións o NovoMed dá os seus primeiros pasos no camiño de se converter nun foro anual que reúna aos mellores expertos en audiovisual en Santiago e permita aos profesionais e estudantes achegarse ás tendencias do audiovisual do futuro.

A cifra de asistentes ás xornadas foi de 60 persoas que respondían a diferentes perfís. O grupo cun maior número de asistentes foron os estudantes, seguidos polas profesións relacionadas co sector audiovisual, os produtores, formadores e consultores.

Programa completo:


Xoves, 9 de xullo


09.30 -10.00. Inauguración


D. Miguel Túñez López
Decano da Facultade de Ciencias da Comunicación

Dna. Dolores Ben Pena
Presidenta de AGAPI

D. Ricardo Capilla Pueyo
Director Xeral de Investigación, Desenvolvemento e Innovación

10.00-14.00. A televisión do futuro. Oportunidades e retos da TDT

Moderadora: Dna. Zaza Ceballos
Directora Xeral ZENIT TELEVISIÓN

Participantes:

- D. Francisco Rodil
Departamento Programación TELEVISIÓN DE GALICIA

- D. Oscar Nogueira
Responsable de Programación e Audiencias de TV3

- D. Eladio Gutiérrez
Presidente IMPULSA TDT

- D. Tomás Cid
Vicepresidente AEDETI

- D. Javier Peñín
Director Comercial Sur Europa e Latinoamérica MIRADA PLC

16.00–18.15. O modelo audiovisual no novo marco regulador


Moderadora: Rosa Vilas
Directora- Xerente TELEVISIÓN DE GALICIA

Participantes:

- Dna. Elisenda Malaret
Consellera del CONSELL de l’AUDIOVISUAL de CATALUNYA

- D. Javier Aragonés
Avogado SUÁREZ DE LA DEHESA

- D. Sydney Borjas
Director Estratexia Dixital SDAE

- D. Norman Heckh
Xefe de equipo do Departamento de Comunicacións e Tecnoloxías da Información de BAKER & MCKENZIE

- D. Raúl Rubio
Avogado LANDWELL - PRICEWATERHOUSECOOPERS

PAUSA CAFÉ

18.30– 20.30. A produción de contidos nun mundo multiplataforma

Moderador: D. Moncho Varela
Director de PÓRTICO

Participantes:

- D. José Pereira
Vicedecano da FACULTADE DE CC. DA COMUNICACIÓN. USC

- D. Ángel Blasco
Responsable Cine. Unidade Contidos.TELEFÓNICA

- D. José Antonio Guzmán
Director Innovación ORANGE

- Dna. María Ferreras
Responsable Alianzas Estratéxicas YOUTUBE

- D. Francisco Sierra
Director Contidos Multimedia ANTENA 3

- D. Paco Escribano
Director Contidos NOTRO TV. VÉRTICE 360º

Venres, 10 de xullo


9.30-12.00. Futuro da animación dixital e o sector dos videoxogos como industria cultural

Moderadora: Dna.Nieves Rodríguez Brisaboa
Xestora do Programa SIN do PGIDIT

Participantes:

- D. Carlos Fernández
Director Continental Games

- D. Alberto Neira
Director de Produción Bren Entertainment

- Dna. Beatriz Legerén
Directora Interacción

- D. Enrique Criado
Director ENXEBRE ENTERTAINMENT

- D. Vincent Sourdeau
Director CARTOON NETWORK ESPAÑA

- D. Daniel Parente
Director General REVISTRONIC

PAUSA CAFÉ

12.15– 14.15. Negocio audiovisual e rendabilidade

Moderador: D. Norberto Penedo Rey
Subdirector de Xestión de Proxectos dentro da Área de Financiamento doIGAPE

Participantes:
- D. Maxim Mata
Institut Catalá de Finances (ICF)

- Dna. Susana Serrano
Directora Audiovisual Aval SGR

- D. Francisco Javier Gómez
Area de Mediación ICO

- Dna. Marta González
Area de Financiación Corporativa ICO

- D. Víctor López
Director VODKA CAPITAL

- D. Enrique Nicanor
Produtor. Experto Formación EAVE MEDIA

http://agapi.org/v2/docs/inscricion_novomed09.doc